Hernaniko jaiak 2025: San Joan jaietako egitaraua eta jarduerak

Ekainaren 23tik 27ra egiten dira Hernaniko jaiak, Euskadiko ospetsuenetakoak. Preludioa, sutzar jendetsua, ehunka urteko dantza (azeri-dantza) eta akelarre herrikoia egiten dira, baita musika- eta kirol-ekitaldi ugari ere. Halakoxeak dira Hernaniko 2025ko San Joan jaiak.

Hernani, ezaguna sagardoaren kulturaren epizentroa delako eta Chillida Leku, Euskal Herriko museorik garrantzitsuenetako bat, bertan duelako, San Joan jaietarako irrikaz egoten da urtero. Izan ere, Hernani apain-apain jartzen dute haren zaindari San Joan omentzeko, eta jai-egitaraua arreta handiz taxutzen dute, musikaz, kulturaz eta kirolez betea, tradizioak bizi-bizi mantentzen dituena.

2025ean, Hernaniko San Joan jaiak iragartzeko kartelaren egilea Sara Etxeberria Zapirainena izan da. Beste urte batez, hernaniarrek bozkatu dute inoiz huts egiten ez duten jaiak aurkezteko irudia, online edo Biteri Kultur Etxean.

Hernaniko 2025ko jaietako egitaraua

Hernaniko auzo eta kaleak hainbat egunez betetzen dira txarangaz, dantzaz, zirkuz, baita kontzertuz eta erromeria herrikoiz ere.

Halaber, plater-tiroketako, xakeko, boxeoko eta bola-jokoko txapelketa herrikoiak egiten dira, baita diziplina berezkoagoak ere; esaterako, hartubol-txapelketa (boleibolaren bertsio bat, Hernanin jaioa eta praktikatua).

Gure jaietan ohikoa denez, ez dira falta diana, buruhandiak (eta haien konpartsa) eta danborradak.

Ekainak 13, ostirala

• 19:00: Preludio txikia

Ekainak 14, larunbata

• 09:00: Compack plater-tiraketa
• 17:00: Bola-jokoa
• 22:30: Preludioa

Ekainak 15, igandea

• 11:00: Gimnasia erritmikoaren ikasturte-amaierako erakustaldia

Ekainak 19, osteguna

• 10:30: Hartubol-topaketa
• 19:00: Dantza-emanaldia
• 19:00: Goiz Eguzki abesbatzaren kontzertua

Ekainak 20, ostirala

• 16:30: Kale-jolasak
• 17:00: Xake-topaketa
• 20:30: Chillida 100 urte. Udako solstizioa

Ekainak 21, larunbata

• 07:45: Aurorak
• 16:30: Azeri bila herri-lasterketa. C.D Hernani
• 18:00: Boxeoa
• 19:00: Txosnen irekiera

Ekainak 22, igandea

• 09:00: Txakurren erakustaldia
• 09:30: Palankarien 52. proba Sagastialdeko pistetan. Etxeberri elkartea.
• 11:00: Gerardo Plazaren Oroimenezko Xake Topaketa Plaza Berrian. Hernaniko Xake Joko Elkartea.
• 17:00: Bola-jokoa

Ekainak 23, astelehena

• 09:00: Marrazki- eta pintura-lehiaketa
• 09:30: Azeri-dantza
• 12:00: Jaien hasiera ofiziala
• 17:00: Tiro-lehiaketa
• 17:00: Akelarre txikia
• 17:25: San Joan erronda
• 18:00: Kantuz eta Ozenki abesbatzen kontzertua
• 18:30 - 20:00: Akelarrea
• 20:00: Salbe Nagusia
• 20:00: San Joan erronda
• 21:30: San Juan sua
• 23:00: Dantzaldia
• 23:00: Danborrada
• 01:00: Urumea txarangaren irteera

Ekainak 24, asteartea

• 09:00: Diana
• 11:00: Parrokian Meza Nagusia
• 11:30: Haurren danborrada
• 12:00: Txistularien kontzertua
• 13:15: Musika Bandaren kontzertua
• 17:00: Tavole ikuskizuna
• 17:30: Dantza solteko txapelketa
• 18:00: Afrika Bibangen kontzertua, Ezkiagan. Amher elkartea.
• 19:30: Euskal presoak etxera manifestazioa
• 22:30: Los Tenampas taldearekin mariatxiak
• 23:00: Mirua eta Skabidean taldeen kontzertua
• 23:15: Xalaparta txarangaren irteera
• 23:30: Zezensuzkoak
• 00: Kalejira eta erromeria

Ekainak 25, asteazkena

• 07:00: Diana
• 07:30: Sokamuturra
• 09:00: Azeri-dantza
• 10:00: Haurrentzako parkea Atsegindegi plazan eta Txu-txu trena Latsunbe auzoan
• 11:00: Santa Barbara txarangaren irteera
• 11:00: Meza
• 12:00: Erraldoi eta Buruhandien Konpartsa
• 13:00: Kuadrillen arteko brindisa
• 17:00: Bola-jokoa
• 17:00: Bazen behin ikuskizuna Tiritirantes taldearekin Urbieta kalean
• 18:00: Zuttik Elektrotxaranga erdigunean
• 19:00: Incansables txarangaren irteera
• 22:30: Erromeria
• 23:00: Iratzar taldearekin dantzaldia
• 00: Santa Barbara txarangaren irteera

Ekainak 26, osteguna

• 07:00: Diana
• 07:30: Sokamuturra
• 09:00: Azeri-dantza
• 11:00: Santa Barbara txarangaren irteera
• 11:00: Gimnasia, zunba-saioa eta sarien banaketa
• 11:15: Entzierro txikia
• 12:00: Erraldoi eta Buruhandien Konpartsa
• 17:00: Bertso-jaialdia
• 18:00: Erromeria
• 23:00: ZEA MAYS taldearen kontzertua
• 00:30: Santa Barbara txarangaren irteera

Ekainak 27, ostirala

• 07:00: Diana
• 09:00: Azeri-dantza
• 11:00: Sari-banaketa
• 11:00: Santa Barbara txarangaren irteera
• 12:30: Herri-kirolak
• 12:30: Baratxuri zoparen sekretua ikuskizuna
• 17:00: Entzierro txikia
• 18:30: San Joan konpartsaren irteera
• 19:30: Gazte Festa DJ OSTOrekin, Atsegindegin. Gaztelekua
• 23:00: Su talka ikuskizuna Deabru Beltzak taldearekin plazatik
• 24:00 h: Bandera-jaitsiera

Ezin dugu, ordea, Hernaniko festez hitz egin urtez urte herria jendez betetzen duten hiru une bereziri erreparatu gabe: preludioa, azeri-dantza eta akelarrea.

Hernaniko 2025ko jaietako egitaraua

Hernaniko jaien data ofiziala ekainaren 23tik 27rakoa izaten bada ere, hainbat egun lehenagotik ere jarduerak izaten dira.

Hain zuzen, Hernaniko festen hasieraren ikurra da Preludioa, zeina ospakizun handien aurreko asteburuan egiten baita beti. Hortaz, ekainaren 14an (larunbata) izango da.

Preludioa Gudarien Plazan egin ohi da, erdigunean, eta oso ekitaldi herrikoia, kulturala eta soziala da, eguna eta jarduerak antolatzeaz herriko kultur elkarteak eta eragileak arduratzen baitira; besteak beste, Udal Musika Banda, txistulariak, txalapartariak, soinu-jotzaileak eta abesbatzak.

Tradizioa, musika eta dantza, bestelako arte eszenikoekin batera, txikitxoek zein nagusiek gozatzeko festen aurrerapen aparta dira. Gainera, haurrek beren Preludio Txikia ere badute, eta “nagusien” preludioaren aurretik egiten da; aurten, ekainaren 13an, ostiralarekin.

Azeri-dantza Hernaniko jaietan

Hernaniko jaietako beste ekitaldi bereizgarrietako bat da azeri-dantza.

Tradizio gutxik dute hiru mendeko historia izateko ohorea. Horien artean dago azeri-dantza, maskuri-dantza lehengo izenez ere ezaguna.

Hasieran, jolaserako dantza zen, eta inauterietan egiten zen. Hain zuzen, azeri-dantzaren lehen erreferentziak 1735eko inauterietakoak dira.

Diktaduran inauteriak debekatu zituztenez, ordea, erabaki zen ezin zela tradizioa galtzen utzi eta San Joan zaindariaren jaiak une egokia zirela Hernanin azeri-dantza egiteko.

Halaxe heldu da gugana dantza hori, hainbat protagonista nabarmen dituena: azeria, dantzari izena ematen diona eta 80ko hamarkadatik segizioan ezinbestekoa dena; dantzariak, denak lotzen dituen soka bati helduta dantza egiten dutenak; eta maskuria, gida-lanak egiten dituen azeria.

Jai herrikoia da, partizipatiboa, herritarrak askotan sokaren barruan harrapatuta gelditzen baitira, dantzaren erritmoan dantzatzeari eutsi ezinik.

Hernaniko sanjoanetako azeri-dantza Gudarien plazatik abiatzen da, eta herriko alde zaharretik ibiltzen da.

Hernaniko San Joan jaietako akelarrea eta sutzarra

Badakizu nola ospatzen duten “sorginek” Hernaniko gaurik magikoena?

Ekainaren 23ko gauean, Hernanin udako solstizioa ospatzen da, akelarre ikusgarri batekin.

Herriko kaleetan desfile herrikoia egin eta gero, Gudarien plaza beste behin bihurtzen da sorginak, akerrak eta Inkisizioko hainbat pertsonaia dituen antzezlan baten erdigunea.

Akelarrea suarekin bukatzen da, San Joan gaueko sutzarrarekin, jendaurrean.

Hala, urtero, Hernanik zaindariaren jaiak egiten ditu, giro apartan eta tradizioari bizkarrik eman gabe. Plan onenetako bat sanjoanetarako:)

Goiburuko irudiaren iturria: Hernaniko Udala Turismoa.