2025eko Sanfaustoak urriaren 10etik 19ra ospatzen dira, eta, urtero bezala, ez dira faltako kontzertuak, Zezenak dira eta arto-opilak. Durangoko 2025eko sanfaustoetako egitarauari buruz jakin beharreko guztia kontatuko dizugu.

Zaindariaren eguna, San Fausto, urriaren 13a da, jai-eguna Durangon.

Hamar egun dituzu festarako: tradizioa, gastronomia eta jarduera ludiko ugari elkartuko dira Durangoko kaleetan, Euskadiko txoko askotatik etorriko den jendearen gozamenerako.

Durangoko 2025eko jaien egitaraua

Fiestas Durango 2025 San Fausto
Irudia: Durangoko Udala

Esan dugunez, Durangoko 2025eko jaiak urriaren 10ean hasi (ostirala) eta urriaren 19an amaituko dira (igandea).

Hilaren 10en eguerdian hasiko dira Durangoko sanfaustoak: San Fausto auzoan Patxikotxuri harrera egin, eta kuadrillak, alkandora zuriz eta zapi urdinez jantzita, eta Pantxike ondoan dutela, Landako Gunetik udaletxera joango dira, txupinazorako.

Deskargatu Durangoko 2025eko jaien egitaraua, Durangoko Udalak argitaratua.

Hona hemen ekitaldi nabarmenen laburpen bat:

Urriak 10, ostirala

  • 18:30. Kuadrillen elkarretaratzea San Fausto auzoan.

  • 19:00. Patxikotxuri harrera eta kuadrilen jaitsiera Tabira Musika Bandarekin.

  • 20:00. Txupinazoa, udaletxeko plazan. 2025eko txupineroa: San Fausto Gizarte Zentroa.

  • 20:15. Erromeria, Errota taldearekin.

  • 21:00. Txupinazoa txosnetan, Gaztetxearen eskutik.

  • 21:30. Kontzertua txosnagunean: Reder, Nekktar, Zeker eta DJ Usu&Ipi.

  • 22:30. Bulegoren kontzertua.

Urriak 11, larunbata

  • 07:00. Diana Jaizale taldeko txistulariekin.

  • 07:30. Zezenak dira, dultzaineroekin.

  • 08:30. Sukalki-lehiaketa.

  • 11:00 - 14:00. Haurrentzako jolasak.

  • 22:00. San Fausto auzoan, herri-bazkaria.

  • 17:00. Herri-kirolak.

  • 22:00. Kontzertua txosnagunean: Euskoprincess, Tatta&Denso eta Lafulana.

  • 22:30. Dantzaldia, Chaman orkestrarekin.

Urriak 12, igandea

  • 10:30-14:30. Artisautza-azoka.

  • 12:30. Txupinazo txikia, Nevers ikastetxearen eskutik, udaletxeko plazan. Ondoren, euskal dantzak, Kriskitin Dantza Taldearekin.

  • 14:00. Adinekoentzako bazkaria.

  • 17:00. Bitsaren jaia eta txokolate-jatea.

  • 17:00. Patata-tortilla lehiaketa.

  • 22:00. DJ-maratoi herrikoia txosnetan.

Astelehena, urriak 13

  • 11:00. Meza nagusia, San Faustoren elizan.

  • 11:00. Paella-lehiaketa.

  • 12:30. Txalaparta, ohorezko aurreskua eta artopil- banaketa udaletxeko plazan.

Urriak 17, ostirala

  • 17:00. TXIKI ROCK.

  • 17:00. BRILE Txapelketa

  • 19:00. PILOTA FEST.

  • 22:00. Kontzertuak txosnagunean: ØDei, Streetwise eta Les Testarudes.

  • 22:30. Bertsolariak, San Agustin Kultur Gunean.

  • 23:00. Gatiburen kontzertua.

Urriak 18, larunbata: Mozorroen Eguna

Etxera Eguna txosnagunean · Txosnetako mozorroaren gaia: “Ipuinak eta elezaharrak”

  • 12:00. XVI. patata-tortilla lehiaketa.

  • 16:00. Kontzertua txosnagunean: Hetixi eta Alain.

  • 18:30. Kuadrillen mozorro-desfilea.

  • 21:30. Kontzertua txosnagunean: Maruxak eta Akerbeltz Erromeria.

  • 23:00. Dantzaldia, Nuevo Versalles orkestrarekin.

Urriak 19, igandea

  • 10:00. Arku-tiroko txapelketa.

  • 19:30. Patxikotxuri agur esatea eta kalejira.

  • 20:00. Jaien amaiera, su-festekin.

Zezenak dira Durangoko jaietan

Entzierroak dira Durangoko sanfaustoetako tradizio ezagunenetariko bat; herriko kaleak zeharkatzen dituzte goizean goiz, eta Zezenak dira esaten zaie.

Azken urteetan, harmailak jarri dira Santa Ana plazan, toki mugatuekin. Segurtasun-arrazoiak direla eta, beharrezkoa da dagokion txartela eskuratzea aldez aurretik.

Normalean bost entzierro egiten dira; egun bakoitzean bat.

Historia handiko entzierroak dira. Herriko dokumentu ofizialetan jasotzen denez, 1580an ere kalte-ordainak kobratzen ziren bigantxen aurrean korrika egitean gertatuko istripuengatik.

Arto-opilak sanfaustoetan

Arto-opilak madalena-itxurako gozoak dira, baina zapalagoak eta apur bat handiagoak.

Arto-irinarekin egiten dira (hortik datorkie izena), eta mahaspasak eta fruta konfitatuen zati txikiak ere edukitzen dituzte.

San Fausto egunean bakarrik egiten dira. Hala, jaietako egun horretan, udalbatzako kideek udaletxeko arkupeetara joaten diren herritar eta bisitariei banatzen dizkiete. Ardoarekin edo txakolinarekin batera jaten dira askotan.

Osagarri gastronomiko ezin hobea dira urriaren 10etik 19ra Durangoko 2025eko sanfausto jendetsuez are gehiago gozatzeko 😊.

Goiburuko irudiaren iturria: Durangoko Udala.