Iraila iristen denean, Ama Birjina omentzeko jaiak bata bestearen atzetik izaten dira Euskadi guztian. Bermeoko 2024ko Jaiak (Andra Mari eta Santa Eufemia) irailaren 7tik 16ra dira. Jaietako egitarauan ez dira falta musika, kirola, su-festak eta danborradak.

Bermeon Almikako Ama Birjinaren eguna ospatzen dute irailaren 8an, herriko zaindaria baita, baina jaiek irailaren 16a arte jarraitzen dute, eta Santa Eufemiarekin amaitzen dira. Astebete baino gehiagoko ospakizunak, uda behar den moduan amaitzeko.

Adin guztientzako moduko jarduera ugari dituzu Bermeoko jaietako egitarauan: Kontzertuak, estropadak, play-back lehiaketa, herri-bazkaria eta kuadrillen jaitsiera, tortilla-txapelketa, herri-kirolak, nekazaritza-azoka eta oiloen erakusketa, esku-pilotako partidak, haurrentzako jarduerak eta, nola ez, su-festa ospetsuak (hiru mende baino gehiagoko historia dutenak).

Bermeoko 2024ko Jaietako egitaraua

Fiestas de Bermeo 2024

Irudia: Bermeoko Udala

Hau da Bermeoko 2024ko Andra Mari jaietako, Bermeoko Udalak argitaratua.

Motorrak berotzeko, irailaren 4an, asteazkena, Itsasoaren Eguna ospatuko da 16:00etatik aurrera. Eta irailaren 6an, ostirala, Bermeo Hiria Open Bizkaia esku-pilotako XLII. txapelketa jokatuko da. Gauez, musika izango da Mirua eta Alai taldeekin.

Irailaren 7tik aurrera, larunbata, Bermeok jaiez gainezka egingo du. Bide batez, aurten hainbat berrikuntza daude. Hasteko, pregoia 20:00etara aurreratuko da.

Irailak 6, ostirala

  • 18:00 h. Artza frontoian: XLII. Bermeo Hiria Open Bizkaia esku pilota txapelketa.
  • 20:00 h. Txosna gunea: Txosnako txupinazoa.
  • 20:30 h. Artza frontoian: Udako frontenis txapelketaren finala.
  • 20:30 h. Txosna gunea: Eingule? Bermeori buruzko lehiaketa.
  • 21:00 h. Txosna gunea: Kuadrilen arteko jokoak.
  • 22:30 h. Txosna gunea: Kontzertuak. Mirua eta Alai + DJ Matxing.

Irailak 7, larunbata

  • 10:30 - 22:30 h. Almika auzoko jaiak: Untxi sukalki eguna.
  • 11:00 h. Portuan: X. Salome Campos igeriketa trabesia.
  • 15:00 h. Almikan: Herri bazkaria. Antolatzailea: Bermeoko Txosna batzordea.
  • 17:30 h. Almikatik: Bajadie Almikatik. Incansables txarangagaz. Jaitsiera horrekin ematen zaie hasiera jaiei. Karrozak ere izaten dira, eta jendea mozorrotuta ibiltzen da.
  • 19:00 h. Erribera: brindis. Topa egitea."Jaidxetan be alkartasunetik topa plaza".
  • 19:45: Xixili udaletxeko balkoira aterako da.
  • 20:00: Pregoia eta txupinazoa.
  • 22:00 h. Lamera: Kontzertua. J Martina eta Tremenda Jauria.
  • 01:30 h. Txosna gunea: DJ Pepiño.

Irailak 8, igandea: Almikako Ama Birjinaren eguna, Andra Mari eguna

  • 08:00 - 22:30 h. Almika auzoko jaiak.
  • 11:00 h. Goiko plaza: Ohiturari eutsita, Udalbatza Almikerantz abiatuko da Kankinkabara Txistu Taldea, Bermeoko Erraldoien Konpartsa, Alkartasuna Dantza Taldea eta Aiarako musika bandarekin. Han, ohorezko aurreskua egingo zaio udalbatzari, eta Bermeoko Erraldoien Konpartsaren ekitaldia ere izango da.
  • 13:30 h. Alde zaharrean: Bermeoko Erraldoien Konpartsaren kalejira.
  • 18:00 h. Haurren danborrada.
  • 22:00 h. Ronpeolaseko espigoian: Su-festa (XVII. mendeaz geroztik egiten da).
  • 22:30 h. Lamera: Kontzertua Hola Raffaella.

Irailak 9, astelehena: Arrantzalearen Eguna

  • 13:00 h. Goiko Plaza: Aurreskuak eta zabaletakoak El Despiste, Tximeletak eta Incansables fanfarreakaz eta Trikileku trikitilariakaz.
  • 13:30 h. Goiko Plaza: Jaitsiera fanfarreakaz eta trikitilariakaz Taraskari lorak eskaintzera Goiko plazatik.
  • 19:00 h. Lamera: Kontzertua Mariachi Mexico Lindo.
  • 20:00 h. Txosna gunea: Kalejira Debrass Band txarangagaz.
  • 22:00 h. Lamera: Zazpizar taldearen erromeria.

Irailak 10, asteartea

  • 13:00 h. Lamera: Kontzertua Puerto Chico Habanerak.
  • 16:00 h. Paintball.
  • 18:00 h. Lamera: XLVIII. Herri kirolak eta 2024ko euskadiko Trontza txapelketa.
  • 21:00 h. Artza frontoian: Bertso saioa.

Irailak 11, asteazkena: Santa Eufemia eguna - Baserritarren eguna

  • Nekazaritza-azoka.

  • 18:00 h. Bermeo Hiria esku-pilotako XLII. txapelketa.

  • 19:00 h. Lamera: Play-back txapelketak.

Irailak 12, osteguna

  • 17:00 h. Tortilla-txapelketa.

  • 19:00 h. Welcome and sorry familia antzerkia Goiko Plazan.
  • Txokolatada Irakaskintza kalean.
  • 22:00 h. Lamera: Kontzertuak Katu eta Gozzue.

Irailak 13, ostirala

  • Mozorroak txosnetan.

  • 18:00 h. Helduen danborrada.

  • 21:30 h. Lamera: Kontzertua Xsakara eta Hofe x 4:40.

Irailak 14, larunbata

  • Sukalki Eguna ospatuko da Talan.
  • 13:00 h. Talan: Josepa Kale Kale.

  • 17:30 h. Bermeo Hiriko XLII. estropada.

  • 22:00 h. Lamera: Akerbeltzen kontzertua.

Irailak 15, igandea

  • 11:00 - 12:30 h. Ur azpiko eskaintza egingo zaio Begoñako Amari Gaztelugatxeko Donianen. 12 metroko sakoneran egiten da, itsasoan hildako marinelak ohoratzen dituen brontzezko irudia dagoen tokian.

  • 12:00 h. Bermeoko II. Erraldoi Txiki eta Ertainen Bilkura.

  • 16:00 - 20:00 h. Umeentzako puzgarriak Erreten Lamera eta Erriberan.

  • 18:00 h. Artza Frontoian: XLII. Bermeo Hiria txapelketako finala.

  • 20:00 h. Amoranteren eta Eñaut Elorrietaren kontzertuak.

Irailak 16, astelehena: Santa Eufemia eguna

  • 10:00 - 15:00 h. Nekazaritza-azoka, Euskal Oiloaren Bizkaiko VIII. Txapelketa eta Bermeoko bertako abereen erakusketa.

  • 12:00 h. Udalbatza Santa Eufemia plazara abiatuko da Aiarako Musika bandak eta Bermeoko txistulariek lagunduta, eta bertan Bermeoko Erraldoien konpartsaren ekitaldia eta Aiarako musika bandaren saioa izango dira. 
  • 13:00 h. "Balkoitik balkoira" bertsi saioa Gaztelun.

  • 19:00 h. Artza Frontoian: Bermeo Hiria Inpesca Pilota Festibala

  • 22:00 h. Dolu-paseoa Xixiliri agur esateko.

  • Su-festa.

Xixili, Bermeoko maskota

Fiestas de Bermeo
Iturria: Bermeoko Udala

Mahoizko alkandoraz eta lepoko zapiaz gainera, Xixili da Bermeoko jaietako elementu bereizgarrienetariko bat. Historia berezia du, demokrazia ezarri zen garaikoa.

Euskal Herriko herrietako jaiek aldaketa sakonak izan zituzten. Adibidez, Bilboko Aste Nagusian zenbait berrikuntza egin ziren, eta, hala, 1978ko abuztuan Marijaia maskota sortu zen.

Bermeon, Pedro Laspiur, Xabier Pagazartundua, Iñaki Markaida eta Ana Carmen Uriarte bermeotarrek antzeko zerbait egitea pentsatu zuten, baina proiektua pixka bat gehiago landuta. Hala, Bermeoko historiari eta tradizioari lotutako maskota bat sortzea erabaki zuten.

Lamiak, Xixili sortzeko inspirazioa

Modu horretan, bururatu zitzaien maskota hori Bermeoko etnografiako figura tradizional batekin, lamiekin, lotzea. Lamia tradizional bat sortu zuten, adats luze eta horikoa, orrazi eta guzti. Lehenengo lamia, jaietako ikur bilakatu nahi zena, Xabier Pagazak egin zuen, Butrón eskultoreak egindako igeltsuzko buru bat erabiliz.

Xixili izena jartzea erabaki zuten. Proiektua 1978ko neguan garatu zen. 1979ko jaietako egitarauaren portadan aurkeztu zen lehenengoz. Gainera, Xixili Andra Mari jaietako maskota gisa zergatik sartu zen azaldu zen egitarau horretan.

Aurten Bermeoko 2023ko Jaietara baldin bazoaz, ederki pasatuko duzu jarduera-aukera zabalarekin, eta beste begi batzuekin ikusiko duzu Xixili, orain haren historia osoa ezagutzen duzu eta.

Zatoz Bermeoko 2024ko jaietara. Ekitaldi-programa zabala izango duzu, eta, bide batez, Xixili ezagutuko duzu ;)

Irudia: Bermeoko Udala.